ਬਾਸਕੇਟਬਾਲ ਦੇ ਸੈਮੀ-ਫਾਈਨਲ ਵਿੱਚ ਪਹੁੰਚੀ 3B1 ਦੀ ਟੀਮ
ਖੇਡਾਂ ਬੱਚਿਆਂ ਨੂੰ ਜ਼ਿੰਦਗੀ ਜਿਊਣਾ ਸਿਖਾਉਂਦੀਆਂ ਹਨ। ਇੱਕ ਟੀਮ ਵਿੱਚ ਵਿਚਰਨਾ ਸਿਖਾਉਂਦੀਆਂ ਹਨ। ਖੇਡਾਂ ਨਾਲ਼ ਵਿਦਿਆਰਥੀਆਂ ਦਾ ਸਰੀਰ ਚੁਸਤ-ਦਰੁਸਤ ਰਹਿੰਦਾ ਹੈ। ਉਹ ਸਮਾਜ ਵਿੱਚ ਵਿਚਰਨਾ ਸਿੱਖਦੇ ਹਨ। ਸਭ ਤੋਂ ਵੱਡੀ ਗੱਲ ਇਹ ਕਿ ਖੇਡ ਦੇ ਮੈਦਾਨ ਵਿੱਚ ਜਾਣ ਵਾਲ਼ਾ ਵਿਅਕਤੀ ਨਸ਼ਿਆਂ ਤੋਂ ਕੋਹਾਂ ਦੂਰ ਰਹਿੰਦਾ ਹੈ। ਇਨ੍ਹਾਂ ਸ਼ਬਦਾਂ ਦਾ ਪ੍ਰਗਟਾਵਾ ਕਰਦਿਆਂ ਬਹੁ-ਪੱਖੀ ਸ਼ਖਸੀਅਤ ਦੇ ਮਾਲਕ ਨਿਰਮਲ ਮੋਹਨ ਨੇ ਕਿਹਾ ਕਿ ਮੈਂ ਬੱਚਿਆਂ ਨੂੰ ਹਮੇਸ਼ਾ ਖੇਡਾਂ ਵੱਲ ਪ੍ਰੇਰਿਤ ਕਰਦਾ ਰਹਿੰਦਾ ਹਾਂ।
ਇਸ ਮੌਕੇ ਉਨ੍ਹਾਂ ਦੱਸਿਆ ਕਿ ਮਾਨਵ ਮੰਗਲ ਸਕੂਲ, ਮੋਹਾਲ਼ੀ ਵਿਖੇ ਹੋਏ ਬਾਸਕੇਟਬਾਲ ਟੂਰਨਾਮੈਂਟ ਵਿੱਚ ਫੇਜ਼ 3B1 ਦੀ ਟੀਮ ਸੈਮੀ ਫਾਈਨਲ ਵਿੱਚ ਪਹੁੰਚ ਗਈ ਹੈ। ਇਸ ਟੂਰਨਾਮੈਂਟ ਵਿੱਚ ਭਾਗ ਲੈਣ ਵਾਲੇ ਖਿਡਾਰੀਆਂ ਨਿਖਿਲ ਮੋਹਨ, ਕੌਸ਼ਲ ਕੁਮਾਰ, ਇਮਾਨਜੋਤ ਸਿੰਘ, ਅਰਜਨ ਆਰੀਆ, ਹਰਸ਼ਦੀਪ ਸਿੰਘ, ਲਕਸ਼ੈਅ ਜਸੋਰੀਆ, ਲੱਕੀ, ਮੋਹਿਤ, ਅਮਨ ਅਤੇ ਸ਼ੋਭਹਿੱਤ ਜਸ਼ੋਰੀਆ ਦੀ ਟੀਮ ਨੇ ਭਾਗ ਲਿਆ। ਉਨ੍ਹਾਂ ਕਿਹਾ ਕਿ ਇਸ ਸਕੂਲ ਦੀ ਟੀਮ ਹੁਣ ਸੈਮੀ ਫਾਈਨਲ ਜਿੱਤਣ ਲਈ ਹੋਰ ਜ਼ੋਰ-ਸ਼ੋਰ ਨਾਲ ਮਿਹਨਤ ਕਰ ਰਹੀ ਹੈ।
